mandag 30. desember 2019

Sjøfuglar

Dette innlegget inneheld nokon av mine beste sjøfuglar 2019.















Diverse småfuglar


Desse bileta er diverse småfuglar eg har kome over haust (og litt sommar) 2019.






Måkebilete

Det blir aldri kjedeleg å ta måkebilete! Når ein tar bilete av vanlge og nokså tamme fuglar får ein lett gode bilete som på mystisk vis ofte blir ganske så ulike og unike likevel.







Ender i kveldslys

Var med på eit prosjekt med skulen - etter skuletid - og i det vi fekk litt tid for eiget bruk sprang eg bort til det vesle 'andevatnet' i nærleika. Det byrjar å bli ei stund sida, men bileta er framleis like fine!








fredag 9. november 2018

Svanene i Bergen by

Lenge sidan eg har skrevet noko på bloggen, eg veit det. Men livet som ungdomsskuleelev er eit trevelt liv. I tillegg til leksar og prøver så kjem fritidsaktivitetar og vener i første rekke. Deretter kjem bloggen. Nå ser eg mindre på Netflix enn før så nå har eg endeleg funnet tid til bloggen. Det er ikkje det at eg har sett på film heile tida altså. Det er berre det at 20 min ekstra film kan vere akkurat den tida eg burde brukt på bloggen.


I dag hadde eg pianotime i Bergen så eg og mamma så på svanene før timen byrja. Det var mørkt og dei bevegde seg så bileta blei uklare. Akkurat da eg fann eit triks som hjalp meg å få bedre bilete måtte vi gå. Men eg fekk nokre som eg blei halvegs fornøgd med sjølv om kvaliteten var elendeg. Bileta blei litt trolske og mystiske, med stor kontrast mellom det svarte vatnet og dei kvite svanene.












søndag 15. juli 2018

Havørn

Denne helgen, 14.-15. juli drog heile familien, inkludert hunden Misjka på segltur til øya Løno. Eg leste på ein bok av Jules Verne; Onkel Robinson. Ein bok eg vil anbefale. Men det er ikkje Jules Verne denne fuglebloggen handlar om. Då da får eg heller skrive om det eg skulle skrive om.

Ved hegreholmen - som eg kallar holmen utfor med huset, av opplagte grunnar - var det ein valdsam kakofoni og alle slags fuglar flaksa rundt. Orsaka til dette blei snart klar: ein havørn. Naturligvis fekk eg gode bilete som eg visar nedenfor:









Havørnen var den 14. juli. Men den 15. juli var også ein fuglerik dag. Eg såg havørn (den same som dagen før trur eg, med tanke på fjørdrakt og stad) som eg dessverre ikkje fekk gode bilete av, diverse ender, kråker, gråhegrer og måker. I tillegg til dette såg eg også ein ung havsule ute på havet. Av alle desse fekk eg bilete av endene, kråkene og måkene. Dei blei til gjengjeld ganske bra så dei vil eg leggje ut her.